DW-World.de
Deutsche Welle

د رويتر آژانس د خبر له مخې، د امريکې د متحداه ايالتونو يوې محکمې د گوانتانامو له جېل نه پنځه تنه الجزايريان وروسته له ٧ کاله بند څخه آزاد کړيدي. محکې ويلي،  د امريکې حکومت دا ثابته نشوای کړی، چې دې په بوزنيا کې اوسېدونکو پنځو تنو غوښتل افغانستان ته ولاړ شي او هلته د امريکايي ځواکونو پرضد وجنگيږي.

دا لومړۍ پرېکړه ده، چې د دې محکمې د هغې اصول له مخې کيږي، په کوم  کې چې د ترهگري تر شک لاندې نيول شوو کسانو ته، له ځانونو څخه د دفاع حق ورکړل شوی. د محکمې دا حکم د دې ښکارندوی هم دئ، چې د بوش تر اداره لاندې د امريکې متحده ايالتونو، د تروريزم پرضد جگړه کې له خپلو پولو څخه تېری کړی دئ. بوش په ٢٠٠٢ ميلادي کال کې اعلان وکړ، چې دې پنځو الجزايريانو په سارايوو کې د امريکې پر سفارت باندې د بميز گذار پلان درلود. د بوش پرځای ټاکل شوي د امريکې نوي مشر بارک اوباما ژمنه کړېده چې د گوانتانامو جېلخانه به تړي.